NaBiFeR 15

15 Jahr NaBiFeR - es letschts Mal. Am 7. November 2026 isch es tatsächlich so wiit: Nach 15 Jahr fiiremer di allerletschti NaBiFeR. Was irgendwänn mal als Geburtstagsparty vom Nabil & de Feri agfange hät, isch über all di Jahr zu so viel meh worde. NaBiFeR isch oise Geburi, oise Träffpunkt und oisi gmeinsami Nacht gsi - und vorallem en Ort, wo mir jedes Jahr mit oisne Fründe händ döfe fiire. Und ganz ehrlich: was gits schöners, als 15 Jahr lang de eigeni Geburtstag mit so viel tolle Mänsche fiire zdörde! Und das Jahr gits gead no en Grund meh, nonal richtig Gas z'geh: D Feri wird 40gi! Und spötischtens jetzt wüssemer: Mer söt ufhöre wenn's am schönschte isch...oder bevor mer irgendwen a de eigene Party en Stuehl nebed de Tanzflächi brucht. Für di letscht Nacht holemer nomal DJ's zu ois, wo d NaBiFeR über vieli Jahr begleitet händ - di eine immer wieder, die andere fascht durchgehend. Mensche, wo mit ihrere Musig Teil vo all dene Nächt und Erinnrige worde sind. Aber di letschti NaBiFeR söll nöd eifach nume oisi Geburtstagspaety sii. Di Nacht ghört au oi! All dene, wo di letschte 15 Jahr mitghulfe händ. Wo ufbaut, dekoriert, organisiert, Musig gmacht, mitglacht, dureghalte und mit ois bis am Morge tanzr händ. Ohni oi wär d NaBiFeR nie das worde, was si gsi isch. I dene 15 Jahr sind so viel Erinnrige entstande. Nächt, über die mer hüt no redet. Begägnige, Fründschafte, völlige Blödsinn, durchtanzti Stunde - und ziemli sicher au di eintoder ander Gschicht, wo besser genau det bliibt, wo si passuert isch. D NaBiFeR wird für ois unvergässlich bliibe. Und das verdankemer all dene wo en Teil devo gsi sind. Drum wämmer nöd eifach still und heimlich d Türe hinder ois zuemache. Wämmer si nomal richtig krache la! Uf 15 Jahr NaBiFeR Uf alli, wo en Teil devo gsi sind. Uf alli Erinnrige. Uf Fründschaft. Uf de Feri ihri 40gi. Uf em Nabil sini 41gi. Uf de Nabil & Feri. Und uf e allerletschti, verdammt gueti NaBiFeR! DJ's: ♫♪★ Authentic (H.G.I.I.A.A.D.T) ♫♪★ Bone (Castle Productions) ♫♪★ Echnaton (Basement Level) ♫♪★ KeSamoth (DreamTeam / Zeine) ♫♪★ Krambambuli (Basement Level) ♫♪★ Maestyk (Basement Level) ♫♪★ NAKE (DreamTeam / H.G.I.I.A.A.D.T.) ♫♪★ Purple Baze (H.G.I.I.A.A.D.T.) Infos: ★ Ab 21 ★ ONLY CASH!! (Kein Twint, SumUp, etc.) ★ 15 / 20 Franke Spassgebühr inkl. Garderobe ★ Tickets via Eventfrog oder Abendkasse ★ Feini Getränk zu super faire Prise ★ Areis mit de ÖV's empfohle (wenig Parkplätz) ★ Deko TBA